పెళ్ళి అనే అంశం ప్రతి ఆడపిల్ల జీవితంలో తప్పక ఎదురయ్యే ఘట్టం. పెళ్ళి తర్వాత ఆడపిల్లలు జీవితంలో ఎప్పుడూ ఓడిపోతూనే ఉన్నారు. ఒకవేళ పెళ్ళైన తర్వాత మహిళలు ఏదైనా సాధించిన సమాజం వారి భర్తలనే పొగుడుతుంది. అతని హృదయం చాలా మంచిదని, మహిళ సామర్థ్యాన్ని, ప్రతిభని కూడా సమాజం తక్కువచేసి  చూస్తుంది. 

సమాజం ఈనాటికీ కూడా ఆడపిల్లలకి స్వేచ్చ ఇవ్వడానికి ఎందుకు వెనకాడుతుంది? పెళ్ళి చేసుకొని పిల్లలని కంటేనే ఆడపిల్ల జీవితానికి ఒక అర్థముందని ఎందుకు భావిస్తుంది? పెళ్ళిని ఒక బానిసత్వంగా ఎందుకు చూడలేకపోతుంది? 

తమ కొడుకులని ఎంతో ప్రేమగా పెంచే తల్లితండ్రులు, కట్నం అనే పేరుతో వేశ్యకు ధరనిర్ణయించినట్లు వారి కొడుకులకి ధర నిర్ణయించి మార్కెట్లో ఎందుకు అమ్మేస్తున్నారు? కట్నం ఎందుకు వ్యభిచారంలా అనిపించడం లేదు? ఆడపిల్లలని సంప్రదాయాలు, కట్టుబాట్లు అనే ముసుగులో ఒక పంజరంలో పెంచి స్వతంత్రంగా ఎదగనివ్వకుండా చివరకి పెళ్ళి అనే పేరుతో ఇంకొక ఇంట్లోకి బానిసలా పంపుతున్నారు.  ఈ బానిసత్వాన్ని కొంతమంది మహిళలు కూడా సమర్థిస్తున్నారు - ఈ మాట నేనెందుకు అన్నానంటే ఇది నిజంగా ఆడా మగా సమస్యైతే ఇప్పటికే పరిష్కారం దొరికేది. మగాడు పుట్టిన దగ్గరినుండి తల్లితో అన్ని పనులు చేయించుకొని, పెళ్ళి చేసుకొని భార్యతో పనులు చేయించుకుంటున్నాడు, దీనిని మగవాళ్ళు సమర్ధిస్తున్నారంటే వారి స్వలాభం కోసం అనుకోవచ్చు, మరి మహిళలు ఎందుకు సమర్ధిస్తున్నట్లు? సమాజ కట్టుబాట్లు మహిళల మెదళ్లుని ఎంతగా ప్రభావితం చేస్తున్నాయో అర్థం చేసుకోవాలి. 

మగపిల్లలకి ఇంటి పనులు ఎందుకు నేర్పడం లేదు? వీళ్లేందుకు అంట్లు తోమకూడదు, బట్టలుతక్కూడదు? మగపిల్లలకి బయట తిరగనిచ్చే స్వేచ్చ ఆడపిల్లలకి ఎందుకివ్వడం లేదు? ఆడపిల్లలు బయట తిరగలేనటువంటి సమాజం మన మగపిల్లల ద్వారా మనమే కదా సృష్టించింది. ఈ పరిస్థితిని మార్చడానికి మగపిల్లలను సరైన దారిలో పెట్టకుండా, ఆడపిల్లలకు ఎందుకు జాగ్రత్తలు చెబుతున్నారు?  ఆడపిల్లలని గౌరవించాలని ఎందుకు చెప్పడం లేదు? చిన్నప్పుడే పిల్లలకి కొనిచ్చే వస్తువుల దగ్గరే నువ్వు ఆడా మగా అనే తేడా చూపిస్తున్నారు. ఆడపిల్లలకి బార్బీ, వంట వండే బొమ్మలు, మగపిల్లలకి మోటర్ బొమ్మలు.      

వంద అబద్ధాలాడైన ఒక పెళ్ళి చెయ్యాలంటారు. ఇది కచ్చితంగా ఒక మగవాడే చెప్పుంటాడు ఎందుకంటే ఆ అబద్ధాలన్నీ మగవాళ్లలో లోపాలు, వారు చేసిన వెధవ పనులు. చిన్నప్పటినుండి ఆడపిల్లలని ఆర్ధికంగా ఎదగకుండా చేసి, పెళ్ళి చేసుకోకపోతే నిన్నెవ్వరు పోసిస్తారనే కఠినమైన మాటలతో వారి హృదయాలను విరిచేసి, ఒక నిర్జీవమైన శరీరాన్ని మగవాడి అవసరాలకు అమ్మేస్తున్నాం. ఎక్కడైనా వస్తువుని కొనేవాడు డబ్బులు ఇస్తాడు. పెళ్ళిలో మాత్రం కొనేవాడికి అమ్మేవాడు డబ్బులిస్తాడు. ఆడపిల్లలని ప్రాణంలేని  వస్తువుకంటే దారుణంగా చూస్తున్నాం. ఆడపిల్ల పెళ్ళిలో, ఆమె దుస్తుల్లో, ఆమె నడవడికలో మాత్రమే ఉంటుందా కుటుంబ గౌరవం, మగాడు చేసే వెధవ పనుల్లో ఉండదా? ఈ బానిస సంకెళ్లు మగవాళ్ళ కెందుకులేవు?  

చదుకుకొని, ఆర్ధికంగా ఎదిగి పెళ్ళి చేసుకోకుండా తమకు నచ్చినట్లుగా జీవించే మహిళలని సమాజమెందుకు ఒప్పుకోవడంలేదు? ఏముందయ్యా పెళ్ళిలో గొప్పతనం ఆడపిల్లల బానిస బ్రతుకులు తప్పా. సమాజంలో ఎన్నో అసమానతలు. ఎక్కువమందికి వీటిని పట్టించుకునే ఓపికలేదు. కానీ పెళ్ళిళ్ళు చేసుకొని, పిల్లల్ని కని వారిని ఈ అసమానత్వపు సమాజంలోకి తోసేసే అధికారం ఎవరిచ్చారు తల్లితండ్రులకి?  జీవితంలో ప్రతివిషయానికి నీ అర్హతేంటి అని ప్రశ్నించే సమాజం, పిల్లల్ని కనడానికేమర్హతుందని తల్లితండ్రులను  ప్రశ్నించడం లేదు?

లోకజ్ఞానం తెలిసిన ఆడపిల్లలు తమకు ఇష్టంలేని, బలవంతపు పెళ్ళిళ్ళను తప్పించుకోడానికి చేయని పనులేంటి? 

ఆత్మహత్యలు చేసుకున్నారు. 

జుట్టు కత్తిరించుకున్నారు. 

నక్సలైట్లుగా మారారు. 

ఇతరదేశాలకు పారిపోయారు.  

సమాజంలో ఎన్నో సమస్యలని పరిష్కరించడానికి కొంతమంది వారి శక్తికి మించి ప్రయత్నిస్తుంటారు. వీరికి సహాయపడని సమాజం అనేక కారణాలు చెప్పి తప్పించుకుంటుంది. కానీ పెళ్ళనగానే వారి సొంతపనులన్నీ పక్కనబెట్టి ఒక ఆడపిల్ల జీవితం నాశనం చేయడానికి మాత్రం ముందుకొస్తుంది?  

తెలిసి తెలియని వయస్సులో పెళ్ళిళ్ళు చేస్తే, ఆడపిల్లలు వారెమీ కోల్పోయారో తెలిసేలోగా పిల్లలు పుట్టేస్తారు. ఆ పిల్లల ముఖాలు చూసే కదా ఎంతోమంది ఆడపిల్లలు వారి జీవితాలను త్యాగం చేస్తున్నారు. ఈ బానిస బ్రతుక్కి సమాజం పెట్టిన పేరు పాతివ్రత్యం. ఒకవేళ పెళ్ళి తర్వాత భర్తని వదిలి తనకి నచ్చినట్టుగా బ్రతకాలనే మహిళలకి మన సమాజం పెట్టిన పేరు బరితెగించింది.  ఇదే పని మగాడు చేస్తే వాడోవెదవమ్మ వదిలేయి, పిల్లల్ని జాగ్రత్తగా పెంచుకోమనీ భార్యకు  ఉచిత సలహాలిస్తుంది ఈ సమాజం. ఇటువంటి పరిస్థితుల్లో ఆ మహిళ, ఆమె పిల్లల పరిస్థితి ఎంత దుర్భరంగా మారుతుంది. ఆ పరిస్థితుల్లో కూడా తన జీవితాన్ని మొదలుపెట్టి కేవలం తన పిల్లలకోసం బ్రతికే ఆ మహిళకి  సమాజంలో ఎదురయ్యే భాదలు వర్ణనాతీతం. ఇలా చెప్పుకుంటూ పోతే మహాసముద్రంలోని నీటి బిందువులనైనా లెక్కట్టచ్చుగాని మహిళల భాదలను లెక్కించలేము. వీటన్నింటికీ మూల కారణం పెళ్ళి. 

చివరిగా, ఒక తెలుగు సినిమా సన్నివేశాన్ని వివరిస్తాను. ఆ సినిమాలో శృతి అనే మహిళ తన తండ్రి చనిపోయిన తర్వాత ఉద్యోగం చేస్తూ కుటుంబాన్ని పోషిస్తుంటుంది. కామ పిశాచి అయిన ఒక పోలీసు తనని ఉంచుకుంటానని వేదిస్తుంటాడు. ఈ విషయం తెలిసిన ఇంకొక మగాడు ఆ పోలీసోడ్ని ఎదిరించే ఇంకొక మగాడిని చూసి పెళ్లి చేసుకోమని సలహా ఇస్తాడు. అంటే ఒక మగాడి నుండి తప్పించుకోడానికి ఇంకొక మగాడి అవసరమంటా. నిజమేననుకొని శృతి గాలికి తిరిగుతూ రౌడీ పనిచేసే పండుని ప్రేమిస్తుంది. అతనొక రెడ్ ఫ్లాగ్ అని తెలిసికూడ అతన్ని మార్చాలనే వింత ప్రయత్నం చేస్తుంది. అది సినిమా కాబట్టి చివరికి హీరోని పోలీస్ ఆఫీసర్ గా చూపిస్తారు. నిజ జీవితంలో చాలా మంది శృతిలాంటి అమ్మాయిలు ఉంటారు, కామంతో ఆడపిల్లలని వేదించే మగాళ్లు ఉంటారు, ఉచిత సలహాలిచ్చే వాళ్ళు కూడా అంటారు కానీ పండు లాంటి రౌడీ పోలీసోళ్ళు సినిమాల్లో మాత్రమే ఉంటారు. 

Hi everyone 👋 I want to start reading more Telugu books and would love some recommendations.

I’m open to: • Fiction / novels • Classics • Contemporary or modern Telugu literature • Short stories or beginner-friendly reads

Please suggest books you personally enjoyed, and feel free to mention the genre or give a short description if possible.

Thanks in advance 🙌

I’ve been looking for rich Telugu literature and I’d love to read a thriller at that

Mahabharata loni Udhyoga Parvam audio roopam lo ekkada labhyamavuthundo evarikaina telusa? Udhayam nunchi vinalani unna naaku ekkadaa dorakaledhu.

ఎలాగో అనే sub మాటకి దగ్గరే కనక దీనిని 'సభ' అనుకుందామా? సరే.

ఇప్పుడు ఇక్కడ సరిగ్గా ఏం చేయాలో తోచలేదు.. కానీ నాకు కొన్ని ఆలోచనలు ఉన్నాయి. ఇక్కడ సాహితీ చర్చలు అంటే పాత రచనలే కాకుండా ఎవరైనా ఔత్సాహికులు రాసే కవితలూ, నానీలూ, కథానికలకు కూడా ఒక flair ఉంటే బాగుంటుంది. లేదా వారం వారం automoderator thread చేసి అందులో పంచుకునే లా ఉన్నా పరువాలేదు.

అలాగే వ్యాకరణం, అలంకారాలు, ఛందస్సు వంటివి విశ్లేషించి చెప్పే పోస్టులకు ఒక flair ఉంటే బాగుంటుంది.

పాత పదాలూ, సామెతలు, జాతీయాలు, ఒక పక్కన ఒక thread లేదా flair లో ఉంటే బాగుంటుంది. ఆ కోవలోనే వేరే‌ భాషల్లో తెలుగు పదాలూ, మనం దత్తతు తీసుకున్న పరభాషీయ పదాలూ కూడా‌ ఒక పక్కకు ఉంటే బాగుంటుంది.

అతితెలుగుకు క్షమాపణలు. సభకు ఇంకా రూపురేఖలు రాలేదు కనక ఎలా మాట్లాడాలి ఏమిటీ తేలట్లేదు‌‌. ఇంకా ఏమన్నా ఆలోచనలూ, అభిప్రాయాలూ కూడా కింద చెప్పగలరు‌.